Հունիսի տվյալովʽ Բելառուսը դարձյալ հայտնվել է ԱՊՀ երկրների շարքում ու Եվրոպայում սպառողական գների աճով առաջին հորիզոնականում:
Այդկերպ, ինչպես հաղորդում է «ԲելաՊԱՆ»-ը, արդեն 5 ամսվա կտրվածքով երկիրը առաջին տեղում է սղաճի տեմպերով: Բացառություն է կազմել միայն 2012թ. հունվարը, երբ Հունգարիան առաջ անցավ Բելառուսից:
«Բելստատի» համեմատական տվյալները փաստում են` այս տարվա հունիսին Բելառուսում սղաճը մայիսի համեմատ կազմել է 1.8% այն դեպքում, երբ Ռուսաստանում 0,9% էր, Ղազախստանում` 0,3%, Չեխիայուիմ, Լեհաստանում ու Իտալիայում` 0,2%, Հունգարիայում, Ֆինլանդիայում ու Էստոնիայում` 0,1%:
Մի շարք երկրներում տեղի է ունեցել գների նվազում` Բուլղարիայում` 1%-ով, Թուրքիայում` 0,9%-ով, Ուկրաինայում` 0,3%-ով, Իռլքանդիայում` Իսպանիայում` 0,2%-ով, Գերմանիայում, Լատվիայում, Լիտվայում` 0,1%-ով:
2011թ. Բելառուսում գրանցվել էր վերջին 10 տարում ամենաբարձր սղաճը` մեկ տարում սպառողական գներն աճել էին 108,7%-ով`7,5-8,5% կանխատեսման դեպքում:
