Forbes ամսագիրը կազմել է 50 ամենահայտնի ու ամենահարուստ աստղերի վարկանշային աղյուսակը: Այս վարկանշային աղյուսակի կազմման 6 տարիներից ի վեր առաջին անգամ թենիսիստուհի Մարիա Շարապովան առաջին հորիզոնականից տեղափոխվել է երկրորդ: Նրա տեղն զբաղեցրել է Ստաս Միխայլովը, իսկ պատվավոր եռյակը եզրափակում է Ալլա Պուգաչովան:
Վարկանշային աղյուսակը կազմելիս Forbes-ի մասնագետները հաշվի են առել երեք գործոն` տարեկան եկամուտը (2010թ. հուլիսի 1-ից 2011թ. հուլիսի 30), մամուլի ուշադրությունը ու օգտատերերի հետաքրքրությունը վերջինիս հանդեպ «յանդեքս» որոնման համակարգում:
Օրինակ` Ստաս Միխայլովի վարկանիշը «Յանդեքսում» ամենահայտնին էր: Նրա արդյունքը կազմել է 14.4 մլն հարցում:
«Յանդեքսում» 4-րդ հորիզոնականում երգիչ Ֆիլիպ Կիրկորովն է` 5.3 մլն հարցումով, ինչը մի փոքր ավելի է նախկին կնոջ` Ալլա Պուգաչովայից (5.3 մլն հարցում): Ավելին, Կիրկորովը նրանից առաջ է անցել նաև եկամուտով: Forbes-ի հաշվարկով` Կիրկորովի եկամուտը կազմել է 5.8 մլն դոլար, Պուգաչովայինը` 1 մլն-ով պակաս:
Սակայն հրապարակումների առումով Պուգաչովային հավասարը չկա: Նրա մասին թերթերն ու ամսագրերը գրել էն 426 անգամ: Նրան հաջորդում են Կիրկորովը` 398 ու հաղորդավրուհի Քսենյա Սոբչակը` 329 հրապարակումբներով:
Սոբչակն իր 2.8 մլն դոլար բյուջեով աստղերի շարքում գրավում է 22-րդ հորիզոնականը, իսկ «Յանդեքսով» նա 16-րդն է:
Աստղերից ամենահարուստը Մարիա Շարապովան էʽ տարեկան 24.8 մլն դոլարով: Ստաս Միխայլովը վաստակել է 20 մլն դոլար, իսկ բարեկեցությամբ երրորդ տեղն զբաղեցրել է հոկեյիստ Ալեքսանդր Օվեչկինը` 12 մլն դոլարով:
