Ռուսաստանը դասեր է քաղել Լիբիայի դեպքերից և համապատասխանաբար վերամշակել է իր մոտեցումը սիրիական հակամարտությանը: Այս մասին հաղորդել է ՌԴ վարչապետ Դմիտրի Մեդվեդևը բրիտանական Times-ին տված հարցազրույցում: Նրա կարծիքով` ժողովրդավարությունը պետք է երկրի ներսում առաջանա, ոչ թե դրսից փակցված լինի:
Մեդվեդևը հիշեցրել է` երբ որոշում էր կայացվում Լիբիայի վերաբերյալ, Ռուսաստանը հույս ուներ, որ կողմերը կարող են անհրաժեշտ խորհրդակցություններ և բանակցություններ իրականացնել, իսկ երկրի այն ժամանակվա կառավարությունը խիստ ազդանշան կստանա:
Վարչապետի կարծիքով` Ռուսաստանը և ՄԱԿ-ի մյուս անդամ երկրները համաձայն են, որ Սիրիայի հակամարտության սցենարի զարգացման վատագույն տարբերակը համընդհանուր քաղաքացիական պատերազմն է: Սակայն հետագա բոլոր մոտեցումները այս հարցում արդեն սպառվում են: Մոսկվան գտնում է, որ միակ լուծումը խաղաղ բանակցություններն են, սակայն գործընկերները նրան ավելի վճռական քայլերի են կոչում:
Վարչապետը նշել է, որ Սիրիայում ավելի բարդ է, քան Եգիպտոսում կամ Լիբիայում, որտեղ իշխանափոխություն տեղի ունեցավ այն պատճառով, որ այնտեղ էին ապրում սունիներ, շիաներ, ալավիտներ և քրիստոնյաներ: Վերջիններս կա՛մ պետք է ընդհանուր հայտարարի գային և խաղաղ ապրեին, կամ էլ մշտական քաղաքացիական պատերազմ մղեին:
