Չինաստանի ժողովրդական հանրապետությունը հրաժարվել է «Հարավային Պարս» իրանական գազի հանքատեղի շահագործման ծրագրից հաղորդում է Mehr գործակալությունը: Չինաստանի պետական նավթային CNPC ընկերությունը Ասալեխ քաղաքից տարհանել է իր բանվորներին:
Համաձայն Իրանի նավթի նախարարության հայտարարության՝ CNPC-ն 1130 օրով հետ էր մնում հանքի շահագործման ժամկետներից և անգամ չէր էլ սկսել նախապատրաստական աշխատանքները:
2011 թվականին Իրանի իշխանությունները զգուշացրել էին CNPC-ին պայամանագրի հնարավոր լուծման մասին, եթե «Հարավային Պարս»- ի շահագործման աշխատանքները ձգձգվեին, հաղորդում է РБК-ն:
CNPC ընկերությունը 2009 թվականին Իրանի հետ 4.7 միլիարդ արժողությամբ պայմանագիր է ստորագրել «Հարավային Պարս» իրանական գազի հանքատեղի շահագործման վերբերյալ:
«Հարավային Պարս»-ն աշխարհում ամենախոշոր գազի հանքն է: Նրա պաշարները գնահատվում են 51 տրիլիոն խորանարդ մետր: Իրանը գազի բնական պաշարների առումով Ռուսաստանից հետո երկրորդ տեղն է զբաղեցնում: