Կիրակի օրը մոտ 100 զինված մարդիկ գրավել են Եմենի ՆԳՆ շենքը երկրի մայրաքաղաք Սանեում՝ պահանջելով իրենց ընդգրկել ոստիկանության շարքերը, հաղորդում է Reuters գործակալությունը՝ հղում անելով ՆԳՆ ներկայացուցիչներին:
Ինչպես նշվում է հաղորդագրության մեջ, շենքը գրաված մարդիկ`եմենական ցեղերից մեկի անդամներն են, ովքեր նախօրեին երկրի հարավում կառավարական զորքերի շարքերում մարտնչում էին “Ալ-Քաիդա” ահաբեկչական կազմակերպության իսլամիստների դեմ: Հունիսին ահաբեկիչներին դուրս էին հանել քաղաքից, ինչին կարողացել էին հասնել տարբեր ցեղերի օգնության շնորհիվ:
ՆԳՆ աղբյուրի խոսքերով՝ գորհայինները մի քանի ժամ ՆԳՆ աշխատակիցներին գերի են պահել, սակայն ավելի ուշ նրանց ազատ են արձակել: Այնուամենայնիվ, շենքը դեռ զինված մարդկանց ձեռքում է:
