Ուկրաինայի ռազմածովային ուժերի և Ռուսաստանի Սևծովյան նավատորմի միացյալ շքերթը խոսում է երկու երկրների համագործակցության նոր մակարդակի մասին: Այս մասին հայտարարել է Ուկրաինայի պաշտպանության նախարար Դմիտրի Սալամատինը:
«Մենք ընդհանուր հերոսական պատմություն ունենք: Համատեղ տոնակատարությունը երկու պետությունների համագործակցության նոր մակարդակի մասին է խոսում»,- ասել է Ուկրաինայի ՊՆ ղեկավարը:
Սևծովյան նավատորմի հրամանատար, ծովակալ Ալեքսանդր Ֆեդոտենկովը և Ուկրաինայի ռազմածովային ուժերի հրամանատար Յուրի Իլինը մեկ նավակի մեջ անցել են նավերի միասնական շարքի առջևով և ողջունել են նավաստիներին:
«Երկար տարիների ընթացքում առաջին անգամ երկու եղբայրական պետությունների նավաստիները միասին են նշում մասնագիտական տոնը: Վստահ եմ, որ այսուհետ այդպես էլ կշարունակվի, քանի որ Սև ծովն ու Սևաստոպոլը մեզ համար ընդհանուր տուն են դարձել»,- ասել է Ֆեդոտենկովը:
