Իրանական Fars News լրատվական գործակալության փոխանցմամբ՝ Իրանի կառավարությունը նորից մի քանի միլիարդ դոլար է հատկացրել իրանական լցանավերի ապահովագրության համար: Այս մասին հայտարարել է Իրանի ապահովագրական կառույցի ներկայացուցիչը:
Վերջինիս խոսքերով՝ այդ միջոցը կոչված է Իրանի նավթային ու ապահովագրական սեկտորների դեմ ԵՄ-ի սահմանած պատժամիջոցներին վերջնական հարված հասցնելուն: Նա հավելել է, որ այդ գումարով կապահովագրվեն նավթ արտահանող իրանական լցանավերը:
Ընթացիկ ամսում Ճապոնիայի կառավարությունը 7.6 միլիարդ դոլար է հատկացրել՝ դեպի Ճապոնիա նավթ փոխադրող իրանական լցանավերն ապահովագրելու համար:
