ԼՂՀ Հարկային պետական տեսչությունը հրապարակել է ԼՂՀ խոշոր հարկատուների ցանկը, որոնց թվում են ավելի քան 500 կազմակերպություններ եւ անհատ ձեռներեցներ: Նշենք, որ ԼՂՀ Հարկայինի հրապարակած ցանկում կազմակերպությունների եւ ընկերությունների բավականին ուշագրավ անուններ կան: Ղարաբաղյան հարկատուների շրջանում հատկապես տարածված են ռուսական բառերը: Այսպես ԼՂՀ-ում կան՝ «Պոբեդա», «Բոչկա», «Օկեան», «Ռոսսիա», «Մագիա», «Սերպանտին», «Ռեզոն», «Մեչտա», «Ռոսա», «Իմպերիա», «Ուրագան-2003», «Մայակ», «Վավիլոն» եւ ռուսական ծագում ունեցող նման այլ անվանումներ:Գրականության եւ կինոյի սիրահարները եւս կարող են այստեղ գտնել հետաքրքիր անվանումներ՝ «Ստենդալ», «Մոնթ Քրիստո», «Սկառլետ», «Աշոտ Երկաթ», «Շտիռլից եւ Կ. ». «Միդաս». «Պարնազ-Լյուքս»: Ընդդիմադիրները եւս կարող են իրենց հետաքրքրող անուններ գտնել «Սասուն», «Նիկոլ», «Մուսա լեռ», «Կիլիկիա», «Հաղթանակ»: Պարույր Հայրիկյանը կարող է ուրախանալ, ԼՂՀ խոշոր հարկատուների ցուցակում ԱԻՄ անունով ընկերություն կա` սահմանափակ պատասխանատվությամբ: Հրապարակված ցուցակում կան պարզապես հետաքրքրական անուններ՝ «Ռաֆո», «Սուր Նարեկ», «Արտուր», «Լաչին», «Նավչա», «Մառալ», «Աշոտիկ», «Մուրադիկ», «Ալբերտիկ», «Նվասարդ», «Գոգի», «7777», «777», «Տասնչորս», «Հիսունհինգ»: