Բնապահպանության նախարարությունը մի քանի տարի է, ինչ կասեցրել սիգ ձկնատեսակի որսը, եւ ինչպես նշում են ոլորտի պատասխանատուները, ձկնատեսակի որսը դեռ մի քանի տարի էլ կարգելեն: Գյուղնախարարության աշխատակազմի անասնաբուծության եւ տոհմային գործի վարչություն պետ Աշոտ Հովհաննիսյանը նշեց, որ սիգը մի քանի տարի է, ինչ արդյունագործական ձկնատեսակ չի համարվում, քանի որ բնապահպանության նախարարությունը բնապահպանական խնդիրներ է իրականացնում, եւ մի քանի տարի դեռեւս կարգելվի սիգ ձկնատեսակի որսը: «Սիգի ծավալները դեռեւս պետք է պահպանել եւ վերարտադրությունը ապահովել, նոր միայն բաց թողնել ազատ վաճառքի: Այսօր վերարտադրության գործում թեեւ որոշակի արդյունք կա, բայց որսը, բոլոր դեպքերում, ներքին կարգով իրականցվում է»,- նշեց Աշոտ Հովհանիսյանը: Գյուղնախարարության մամուլի խոսնակ Վահագն Մարտիրոսյանը եւս չկարողացավ նշել, թե սիգ ձկնատեսակը երբ բաց կթողնվի ազատ վաճառքի, քանի որ այդ ձկնատեսակը մենք բարբարոսաբար ոչնչացրել ենք: Իսկ այն հարցին, թե ինչն է նպաստել բարբարոսաբար ոչնչացմանը, ավելացրեց.«Մեր մեծ ախորժակը, մեր անգրագիտությունը, մեր տուպոյությունը»:
