Աստղաբան-նկարիչ Գուրգեն Հովհաննիսյանը խորհուրդ է տալիս, որպեսզի 2011 թ. իրենց առողջությանը հետևեն բոլոր նշանների տակ տակ ծնվածները: Կրակային նշանի տակ ծնվածները` Առյուծները, Խոյերը և Աղեղնավորները, առողջությանը պետք է ուշադրություն դարձնեն հունվար, մարտ, հունիս և նոյեմբեր ամիսներին: Հողային նշանները` Այծեղջյուրները, Կույսերը և Ցուլերը, պետք է ուշադիր լինեն ապրիլ, օգոստոս և դեկտեմբեր ամիսներին, օդային նշանները` Ջրհոսները, Երկվորյակներն ու Կշեռքները` հունվար, մայիս, օգոստոս և դեկտեմբեր ամիսներին: Ջրային տարերքի նշանները` Ձկները, Խեցգետիններն ու Կարիճները` հունվար, մարտ, հունիս, հոկտեմբեր և դեկտեմբեր ամիսներին պետք է ուշադրություն դարձնեն իրենց առողջությանը:
2011 թ. համաստեղության 12 նշաններին սպասվում է.
Խոյերի համար բացառիկ հաջողակ տարի է լինելու, պետք է ուշադրություն դարձնեն իրենց զգացմունքներին, ներքին զգացողությանը, հաջողակ իրադրություն կստեղծվի, որը կապված կլինի խոսքի և մտավոր կարողությունների հետ:
Ցուլերի համար տարին փոքր-ինչ դժվար կլինի, ֆինանսական բարելավում կունենան, խուսափեք վիճաբանություններից:
Երկվորյակների համար 2011 թ. կլինի հաջողության և կտրուկ փոփոխությունների տարի, որոնք կարող են դրամատիկ ավարտ ունենալ:
Խեցգետիններին սպասվում են ճանապարհորդություններ, որոնք կարող են կապված լինել հոգևոր փնտրտուքների հետ, զգացմունքները փորձեք հնարավորինս զսպել:
Առյուծները պետք է խուսափեն ճանապարհորդություններից և ուղևորություններից, որոնք կարող են մեծ վտանգ պարունակել:
Կույսերին սպասվում է փոքր-ինչ դժվար տարի, սակայն հաջողություններ անպայման կլինեն: Պետք է զսպել զգացմունքները:
Կշեռքների համար նույնպես դժվար տարի կլինի, զգացմունքային մեծ լարվածությունը կարող է անիմաստ հարձակողական գործողությունների պատճառ դառնալ, սակայն կամքի ուժը կհաղթահարի ամեն ինչ:
Կարիճները 2011 թ. հաջողություններ կունենան, որոնք սակայն ծուլության պատճառով ժամանակավոր բնույթ կկրեն:
Աղեղնավորների համար տարին բեղմնավոր կլինի: Շատ Աղեղնավորներ կգտնեն իրենց երկրորդ կեսին:
Այծեղջյուրների համար 2011 թ. հնարավորինս բարենպաստ կլինի, կլինեն ճամփորդություններ, որոնք կբարելավեն նրանց թե՛ հոգևոր, թե՛ ֆինանսական վիճակը:
Ջրհոսների համար նույնպես լավ տարի կլինի, քանի որ նրանք ունեն Աստծո ուժը զգալու կարողություն, ինչը կօգնի շատ խնդիրներ լուծել:
Ձկների համար տարին մի փոքր անբարենպաստ կլինի: Մեծ հավանականություն կա սխալ գործելու, որը կազդի առաջիկա 5 տարիների վրա: