Հիմա Գերմանիան ավելի ու ավելի է հետաքրքրվում Լեռնային Ղարաբաղի խնդրով եւ նրա լուծման ուղիներով, լրագրողների հետ հանդիպմանը ասել է Ադրբեջանի Քաղաքական նորարարությունների եւ տեխնոլոգիաների կենտրոնի տնօրեն Մուբարիզ Ահմեդօղլուն։ Ինչպես հաղորդում են ադրբեջանական գործակալությունները, նրա կարծիքով նույնիսկ ԵԱՀԿ Մինսկի խմբում Գերմանիան կարող է փոխարինել Ֆրանսիային: Նրա խոսքերով, այդ ուղղությամբ առաջին քայլն արդեն արված է. «Գերմանիայի ներկայացուցիչը մասնակցել է ԵԱՀԿ գնահատման առաքելությանը։ Նա Մինսկի խմբի համանախագահների ներկայացուցիչների և փախստականների հարցերով ՄԱԿ-ի գերագույն հանձնակատարի հետ մասնակցել է դիտարկման խմբին»: