Ֆրանսիայում և Վրաստանում իրավապահները՝ Վրաստանից գործընկերների հետ միասին, խոշոր գործողություն են իրականացրել, որի ընթացքում Վրաստանից 4 օրենքով գողի են ձերբակալել, ինչպես նաև վրացական կազմակերպված հանցախմբի մի քանի տասնյակ անդամների։ Cauccase Normandie հատուկ գործողությունը տեղի է ունեցել Ֆրանսիայում և Հունաստանում ապրիլի 16-17-ը։
Մասնավորապես՝ Ֆրանսիայում ձերբակալել են միջազգային հանցախմբի 15 անդամի, որոնցից 14-ը Վրաստանի, 1-ը՝ Հայաստանի քաղաքացի է։ Իսկ Հունաստանում Վրաստանի ավելի քան 20 քաղաքացի է ձերբակալվել, որոնք բնակարաններ և խանութներ են կողոպտել, ինչպես նաև իրացրել են գողացված իրերն ու փողեր լվացել։
Վրացի մեկ օրենքով գող Ֆրանսիայում է ձերբակալվել, 3-ին ձերբակալել են Հունաստանում։ Ձերբակալվածների թվում են Լաշա Շուշանաշվիլին (Լաշա Ռուստավսկի), Ալեքսանդր Կոբալաձեն (Սյու), Նոդար Շուկակիձեն (Նոդո Գլդանսկի) և Մերաբ Ասանիձեն (Չիկորա)։
Ֆրանսիայում ձերբակալվել է նաև վրացի դերասան և ռեփեր Կախա Աբուաշվիլին (Կաբու)։
Ձերբակալված են երկու քրեական հեղինակությունների կանայք․ նրանք ևս քրեական գործունեության մեջ են ներգրվված եղել։
