Մայիսից Վրաստանի Հանրային հեռուստաընկերության առաջին ալիքի կայքում (1TV.GE) հնարավոր կլինի «Մոամբե» ծրագիրը դիտել հայերենով և ադրբեջաներենով՝ «Առաջին ալիքի» «Բազմակողմանի Վրաստան» նախագծի շրջանակում։
Թողարկումները կլինեն յուրաքանչյուր երեկո՝ 20։00-ին, և վեբ կայքում հեռուստադիտողն այն կարող է դիտել համապատասխան լեզվով։
«Կարծում եմ՝ նախաձեռնությունը մեծ դեր կունենա մեր հայալեզու և ադրբեջանալեզու բնակչության համար, քանի որ նրանց մեր երկրում և աշխարհում տիրող իրավիճակի մասին տեղեկություններ է փոխանցում իրենց հասկանալի լեզվով»,-ասել է հայերենով «Մոամբե»-ի հաղորդավար Նանա Հակոբյանը։
«Մոամբե»-ի ադրբեջաներենով թողարկման հաղորդավար Էմմա Բայրամովայի խոսքով՝ էթնիկ փոքրամասնությունները հայերենով և ադրբեջաներենով ավելի օբյեկտիվ տեղեկություններ կստանան։
