Թավշյա հեղափոխության համար ընդդիմությունը պետք է ունենա իր հետևից գնացող ժողովուրդ: Այս մասին «Առաջին լրատվական»-ի հետ զրույցում նշեց ԱԺ ՀՀԿ խմբակցության պատգամավոր Գալուստ Սահակյանը՝ հավելելով՝ ինչ-որ չափի ժողովուրդներ կհավաքվեն, բայց այստեղ թավշյա հեղափոխության մասին խոսք լինել չի կարող:
Հարցին, թե արդյո՞ք ստեղծված վիճակը ցույց չի տալիս, որ երկիրը ունի լրջագույն խնդիրներ, Գալուստ Սահակյանը նկատեց․ «Այն որ մեր պետությունը ունի որոշակի և լրջագույն խնդիրներ ունի, մենք էլ ենք ասում, և մենք գնում ենք այն ճանապարհով, որ խնդիկրները պակասեն: Բայց 3-5 հազար մարդկանց մոտեցումներով չի կարող բան փոխել․․ »:
Անդրադառնալով այսօր ԱԺ-ում «Ելք» խմբակցության պատգամավոր Արամ Սարգսյանի ելույթին, Գալուստ Սարգսյանը նշեց․ «Արամ Սարգսյանը Վազգենի ընտանիքից է և ես շատ բարեկամական եմ վերաբերվում, բայց իր ելույթը մեր ժամանակների հետ հավասարակշռված չէր: Ընդդիմադիր գործիչը և լավը պետք է տեսնի, և վատը»:
Գալուստ Սահակյանի փոխանցմամբ՝ իշխանությունն այս օրերին ամեն ինչ անում է, որ մեծ բախումներ չլինի: