ԱՄՆ Միչիգանի նահանգում երիտասարդները հարձակում են գործել են զենքի խանութի վրա, իսկ հետո զոհվել են՝ փորձելով փախչել ոստիկաններից: Այս մասին հաղորդում է Fox News-ը:
Հաղորդվում է, որ չորս մարդ ապրիլի 15-ին զենքի խանութ են ներխուժել Լինքոլն Թաունշիփում: Նրանք ութ ատրճանակ են գողացել, ինչից հետո փախուստի են դիմել:
Ամենագնացով երիտասարդներին նկատել է ականատեսը, նա ոստիկաններին տվել է մեքենայի նկարագրությունը:
Մի որոշ ժամանակ անց կասկածելի մեքենան նկատել է շերիֆի օգնականը: Նա կանգնեցրել է ամենագնացը: Կողոպտիչները ձևացրել են, թե հնազանդվում են, բայց, այնուհետև, մեքենան կտրուկ շարժվել է տեղից: Վարորդը կորցրել է մեքենայի կառավարումը, մեքենան դուրս է թռել ճանապարհի երթևեկելի հատվածից և մխրճվել է ծառի մեջ:
Արդյունքում՝ երեք կասկածյալները՝ 20 ամյա վարորդն ու նրա երկու 17 տարեկան ուղևորները տեղում մահացել են: Մեկ այլ 17 տարեկան երիտասարդ ծայրահեղ ծանր վիճակում հոսպիտալացվել է: Գողացված ամբողջ զենքը հայտնաբերվել է ՃՏՊ դեպքի վայրում: