Բեյոնսեն և Ջեյ Զին միասին են արդեն 16 տարի: Սակայն նրանց հարաբերությունները միշտ չէ, որ անամպ են եղել: Պարզվել է, որ ռեփերը բազմիցս դավաճանել է իր հայտնի կնոջը:
Այդ մասին առաջին անգամ հայտնի է դարձել անցյալ տարվա վերջին: Ի դեպ, երաժիշտն ինքն է խոստովանել դավաճանության մասին: Ամուսինները ցանկացել են բաժանվել, սակայն հետո որոշել են պահպանել ամուսնությունը՝ հանուն երեխաների:
Ջեյ Զին հայտնել է, որ հարաբերությունները հարթել իրենց օգնել է ընտանեկան հոգեբանը: Զույգը մի քանի տարի շարունակ այցելել է հոգեբանին և հետևել նրա բոլոր ցուցումներին:
Հարկ է նշել, որ 2017 թվականի հունիսին ռեփերն ու երգչուհին կրկին ծնողներ են դարձել: Բեյոնսեն ամուսնուն երկվորյակներ նվիրեց: Ամեն դեպքում, այսօր ռեփերը համոզված է, որ իրենց հարաբերություններում խնդիրները մնացել են անցյալում:
