Վրաստանի «Վարչական իրավախախտումների օրենսգրքում» ծրագրվում է հատուկ հոդված ներառել, որի համաձայն՝ մարդկանց զանգվածային կուտակման օբյեկտները, որոնք գործում են առանց ապահովագրության, պատժամիջոցների ենթակա կլինեն։ Համապատասխան օրինագիծը պատրաստ է և առաջիկայում կներկայացվի Վրաստանի խորհրդարան՝ հաստատման։
Նոր օրենքի համաձայն՝ առևտրի կենտրոնների և տոնավաճառների, ինչպես նաև ավտոգազալցակայանների սեփականատերերը, որոնք չեն ապահովագրել տվյալ օբյեկտները, կտուգանվեն 1000 լարիով (414 դոլար)։ Իսկ առանց ապահովագրության հյուրանոցների և հանգստավայրերի աշխատանքի համար 5 հազար լարի տուգանք է նախատեսվում։
