«Ֆեյսբուքի» ղեկավար Մարկ Ցուկերբերգը պատասխանել է Թիմ Քուքի քննադատությանն առ այն, որ սոցցանցը ունակ չէ պաշտպանել օգտատերերի տվյալները: Ընկերության հիմնադիրը փորձել է արդարացնել իրեն Vox-ին տված հարցազրույցում:
Ցուկերբերգը հայտարարել է, որ համաձայն չէ այն թեզի հետ ըստ որի «Ֆեյսբուքը» անզգույշ վերաբերմունք է ցուցաբերում իր օգտատերերի գաղտնիությանը:
«Մենք հոգ ենք տանում մեր հաճախորդների փորձի մասին և գումար չենք աշխատում գաղտնի տվյալները վաճառելով»,- ասել է սոցցանցի հիմնադիրը՝ հավելելով, որ անձնական տվյալների որոշ մասի կիրառումը անհրաժեշտ է գովազդային ցանցի գործունեության համար:
«Գովազդի վաճառքը մարդկանց անվճար ծառայություններ մատուցելու միակ հնարավորությունն է»,- ասել է նա: Ցուկերբերգը նաև բաց չի թողել հնարավորությունը պատասխան «հարված» հասցնելու Apple-ի ղեկավարին:
«Գովազդն անխուսափելի է, եթե դուք ուզում եք պահպանել ծառայությունը բոլոր օգտատերերի, այլ ոչ թե միայն հարուստ մարդկանց համար»,- ասել է գործարարը ակնարկելով ամերիկյան ընկերության կողմից թողարկվող արտադրանքի բարձր արժեքը: