Բջջային օգնական Siri-ի հիմնադիր SRI International ընկերությունը զբաղվում է ռոբոտի մշակմամբ, որին հնարավոր կլինի օգտագործել՝ որպես ականազերծող կամ վիրաբույժ: Taurus անունը կրող ռոբոտը կառավարվելու է վիրտուալ իրականության օպերատորի միջոցով:
Ընկերությունն արդեն ներկայացրել է ռոբոտի աշխատող նախատիպը: Նա ունի երկու ավտոմատ ձեռքեր, որոնք կարող են օգտագործել գործիքներ, ինչպիսիք են՝ ասեղը կամ պտուտակահանը:
Ձեռքերի միջև երկու տեսախցիկ է տեղադրված, որն ապահովում օպերատորի լիարժեք տեսանելիությունը: Բացի այդ, ինտերֆեյսը կառուցվելու է՝ հաշվի առնելով այնպիսի կարևոր ցուցանիշներ, ինչպիսիք են ջերմաստիճանը և պուլսի հաճախականությունը:
Մասնագետների խոսքերով՝ ռոբոտը կարող է իրականացնել բազմաթիվ գործողություններ, սակայն առաջին հերթին նրանք կենտրոնացած են երկուսի`ռումբի հեռացման և վիրահատությունների իրականացման վրա: Նշված երկու գործողություններն էլ ռոբոտը կարող է համատեղ իրականացնել մարտական իրավիճակներում՝ միաժամանակ կատարելով ականազերծողի և վիրաբույժի աշխատանքը: