Արդեն 2050 թվականին մոտ 5,7 միլիարդ մարդ կարող է զրկվել խմելու ջրից։ Այս մասին հաղորդվում է ՄԱԿ–ի զեկույցում։
2018 թվականին աշխարհում ջրային պաշարների զարգացման մասին հաշվետվության մեջ ասվում է, որ 3,6 միլիարդ մարդ, կամ ամբողջ աշխարհի բնակչության կեսը, արդեն ապրում են այնպիսի տարածաշրջաններում, որտեղ ջուրը կարող է տարեկան առնվազն մեկ ամիս դեֆիցիտ լինել։ 2050 թվականին այդ թիվը կարող է աճել մինչև 5,7 միլիարդ մարդու։
ՄԱԿ–ի հաշվետվության մեջ նշվում է ջրի պաշարների «կանաչ» տիպի կուտակման առավելությունը բետոնային ամբարների նկատմամբ։
Հաշվետվության մեջ ասվում է, որ կանաչ լուծումներն արդեն ապացուցել են իրենց էֆեկտիվությունը, սակայն դեռևս զանգվածորեն արհամարհվում են։