Ֆրանսիական Bureau Veritas ընկերության միջազգային փորձագետները, ովքեր ճոպանուղիների փորձարկման և սերտիֆիկացման համաշխարհային առաջատարն են համարվում, ժամանել են Գուդաուրի և արդեն սկսել են խոշոր վթարի պատճառների ուսումնասիրությունը, որ տեղի էր ունեցել մարտի 16-ին, Վրաստանի այս լեռնադահուկային առողջարանի ճոպանուղիներից մեկի վրա։ Նրանց հետ աշխատում են նաև այս ճոպանուղին արտադրող՝ շվեյցարա–ավստրիական Doppelmayr ընկերության փորձագետները, ովքեր որ տեղադրել էին այն Գուդաուրիում։
Վրաստանի Տնտեսական զարգացման փոխնախարար Դմիտրի Կումսիշվիլին ասել է, որ փորձագիտական եզրակացությունը պետք է բացարձակ անաչառ լինի, քանի որ այստեղ խոսքը գնում է ոչ միայն մի միջադեպի մասին, որի արդյունքում մարդիկ են տուժել, այլ սա նաև երկրի հեղինակության հարցն է։