«Պայքարել պետք էր այն ժամանակ, երբ ընտրություններ էին, և ժողովրդին գնում էին 10 հազար դրամներով։ Դրա հաշվին խորհրդարանում մեծամասնություն ձևավորվեց, և փաստը դա է»,- «Առաջին լրատվական»-ի հետ զրույցում ասաց Հայաստանի Դեմոկրատական կուսակցության նախագահ Արամ Սարգսյանը՝ անդրադառնալով Սերժ Սարգսյանի վարչապետությունը կանխելու օրակարգով անցկացվելիք հանրահավաքներին։
Մեր զրուցակիցը շարունակում է. «Մենք բացարձակ չենք ընդունում իշխանությունների վարած ներքին քաղաքականությունը, այս իշխանությունը պետք է օր առաջ փոխվի, որպեսզի երկրի վիճակը փոխվի, այս համակարգն անընդունելի է մեր երկրի ու ժողովրդի համար։ Սա հայտնի է, բայց այս պահին խորհրդարանում կա մեծամասնություն, որն ընտրելու է վարչապետի։ Պատկերացնենք՝ Սերժ Սարգսյանի փոխարեն ընտրեցին մեկ ուրիշին, դա լինելու է մեր ժողովրդի կողմից ընտրվա՞ծ անձ, իհարկե՝ ո՛չ։ Նա ՀՀԿ-ից տարբերվող քաղաքականությո՞ւն է վարելու, իհարկե՝ ո՛չ»։
Արամ Գ. Սարգսյանի դիտարկմամբ՝ սա ուշացած պայքարի ձև է. «Իմաստազուրկ է դառնում պայքար հասկացությունը, և տարօրինակ թող չթվա, թե ինչու ժողովուրդը լուրջ չի արձագանքում։ Անհրաժեշտ է ճիշտ ժամանակ ու կարգախոս ընտրել, հավատ ներշնչել ժողովրդին, որ դու անպայման այն ուժն ես, որը հաջողելու է։ Եթե ապարդյուն պետք է լինի, ավելի լավ է՝ չանել»։
Հարցազրույցն ամբողջությամբ՝ տեսանյութում:
