Վրաստանը մոբիլիզացվում է մարմարե փայտոջիլների դեմ պայքարի, որոնց հարձակումը 2017 թվականին լուրջ խնդիրներ է առաջ բերել երկրում։
Մարտի 8-ին Թբիլիսիում միջազգային գիտաժողով է անցկացվել՝ «Մարմարե փայտոջիլ (Halyomorpha halys)՝ գլոբալ մարտահրավեր, միջազգայի փորձ և խնդրի լուծման լավագույն ուղիները» վերնագրով։
Գիտաժողովին մասնակից ամերիկացիները պատմել են, որ ԱՄՆ–ն պայքարում է այս միջատների դեմ ավելի քան 12 տարի: Trece Inc ընկերությունը եկել է այն համոզման, որ հաղթել նրանց կարելի է միայն համալիր մոտեցմամբ։ Մի ժամանակ մտածում էինք նույնիսկ մարմարե փայտոջիլի կենսաբանական թշնամուն ստեղծել, բայց անպես ստացվեց, որ նա ինքը թռավ եկավ և տարածվեց»,– ասել է Trece Inc ղեկավար Բիլ Լինգրենը։
2017 թվականին մարմարե փայտոջիլները Վրաստանում ոչնչացրել են պնդուկի, եգիպտացորենի և մրգերի բերքը։ Քիմիական մշակման է ենթարկվել ավելի քան 100 հազար հեկտար հող, սակայն միջատների տարածումը հնարավոր չի եղել կանխել։