Մարտի 8-ին, Թբիլիսիում, տրանսգենդեր կանանց՝ «Ես կին եմ, ընդունիր» կարգախոսով ակցիան արդարադատության նախարարության դիմաց ագրեսիվ տրամադրված քաղաքացիների հակընդդեմ ակցիա է սադրել, որտեղ հինականում մասնակիցները տղամարդիկ են եղել։ Արդյունքում տղամարդկանցից մեկը, ով ձվեր է շպրտել տրանսգենդերների ուղղությամբ, բերման է ենթարկվել։
«Ժամանակն է, որ իշխանությունները վերջ դնեն այլասերվածության քարոզին, ոչ թե ազատականություն խաղան այդ սրիկաների հետ»,– լրագրողներին հայտարարել է հակընդդեմ ակցիայի մասնակիցներից մեկը։
Իրենց հերթին՝ տրանսգենդերները հայտարարել են լրագրողներին, որ իրենց սեռական կողմնորոշման համար Վրաստանում մշտական հետապնդման և ֆիզիկական հաշվեհարդարի են ենթարկվում։
«Մենք արդարադատության նախարարությունից պահանջում ենք, որ թույլ տան անձը հաստատող փաստաթղթերում, սեփական դիմումի համաձայն, փոխել սեռը, ինչպես դա տեղի է ունենում Եվրոպայում, իսկ մեզ մոտ ամորձատման վերաբերյալ փաստաթուղթ են ուզում, բայց այդ թանկարժեք վիրահատությունը Վրաստանում չեն անում»,– լրագրողներին ասել է տրանսգենդերներից մեկը։
Ակցիան ավարտվել է ոստիկանների հսկողության տակ։
