ԱԺ փոխնախագահ Էդուարդ Շարմազանովի խոսքով՝ ՀՀԿ-ն ԱՄՆ դեսպան Միլսի գնահատականները ոչ թե սուր քննադատություններ է ընկալում, այլ որպես սրտացավ գործընկերոջ առաջարկություն կամ առողջ քննադատություն:«Ես ուզում եմ ասել, որ ՀՀ իշխանությունների առաձնակի ուշադրության կենտրոնում են հատկապես հակակոռուպցիոն միջոցառումները և երկրի հետևողական ժողովրդավարացումը: Դրա համար մենք ջանքեր ենք գործադրում օրենսդրական փոփոխություններն իրականացնել»,- ասաց Շարմազանովը:
Նա նշեց, որ պետք է Հայաստանում շարունակել հակակոռուպցիոն միջացառումները՝ հաշվի առնելով ամերիկացի և եվրոպացի գործընկերների փորձը:«Երբեք որևէ մեկը չի ասում, որ Հայաստանում չկան վատ երևույթներ, ինչպիսին կոռուպցիոն ու մենաշնորհներն են: Մենք պետք է տեսնենք՝ ճիշտ ուղղությամբ ենք գնում, թե ոչ, երեկ էր ավելի շատ պրոբլեմ, թե այսօր»,- հավելեց նա:
