MS Office 2010-ի հայերեն տարբերակն ազատ տարածման համար կհրապարակվի հուլիսի առաջին շաբաթվա ընթացքում։ Այս մասին այսօր «Առաջին լրատվականի» հետ զրույցում ասաց «Մայքրոսոֆթ»-ի Հայաստանի գրասենյակի ղեկավար Գրիգոր Բարսեղյանը։
Նշենք, որ հունվարին «Առաջին լրատվականին» տված հարցազրույցում Գ.Բարսեղյանը նշել էր, որ MS Office 2010-ի հայերեն տարբերակը պատրաստ կլինի այս տարվա առաջին եռամսյակի ընթացքում։ MS Office 2010-ի վրացերեն ու ադրբեջաներեն տարբերակներն արդեն ևս հասանելի են։
Գ. Բարսեղյանը նշեց, որ ինքն անձամբ արդեն օգտագործում է MS Office 2010-ի հայերեն տարբերակը։ «Սակայն մինչ ազատ տարածման համար հրապարակելը որոշակի բարելավումներ որոշեցինք անել ուղղագրական մասում՝ հայկական տառատեսակների հետ կապված»,- նշեց նա։
