2018 թվականին 329 թեկնածու է հավակնում Խաղաղության Նոբելյան մրցանակին: Այս մասին ասվում է Նորվեգիայի Նոբելյան կոմիտեի կայքում, որը պատասխանատու է մրցանակի շնորհման ու հանձնման համար:
Մրցանակին հավակնում են 217 հասարակական գործիչներ և 112 կազմակերպություններ: Նոբելյան հիմնադրամի կանոնների համաձայն՝ նրանց անունները չեն հաղորդվի։ Անցած տարի հավակնորդների թիվը 318 է եղել։
Թեկնածուների թիվը ներկայացնելուց հետո Նոբելյան կոմիտեն կշարունակի աշխատել ընդհանուր ցուցակի վրա և կկրճատի այն՝ թողնելով 5-20 հավակնորդի։
2017 թվականին Խաղաղության նոբելյան մրցանակը հանձնել են Միջուկային զենքի արգելման միջազգային արշավին (ICAN)։