ՔԿՎ նախկին պետ Մուշեղ Սաղաթելյանը նշում է՝ իրեն չի հետաքրքրում՝ ով կարձագանքի իր կոչին, նա մարտի 1-ին լինելու է Ազատության հրապարակում. «Այս տեսակ անբարո կառավարման համակարգի դեպքում չես կարող չհիվանդանալ, բայց մարդը հայ է ու ցանկանում է, որ կառավարման համակարգը շտկվի․ պարտավոր ենք համախմբվել ու միասնություն ցուցաբերել»,- «Առաջին լրատվական»-ի հետ զրույցում ասաց Սաղաթելյանը։
Նրա դիտարկմամբ՝ այսօր Սերժ Սարգսյանից ու մնացած քաղաքական կուսակցություններից առավել վտանգավոր են այն մարդիկ, որոնք ասում են՝ ոչ ոք չի գա, ես գամ ի՞նչ անեմ. «Դա ավելի վտանգավոր է, քան իշխանությունը։ Նա ոչինչ չի արել ու ուրիշի փոխարեն ասում է՝ ոչ ոք չի գա։ Ես շատ համբերատար ձևով սպասում եմ այդ օրվան, դա չի կանգնելու՝ մարդ ինչքան ապրում է, այնքան պետք է պայքարի, նույնիսկ եթե ոչ ոք չգա, մենակ լինեմ, էլի պայքարելու եմ։ Ես պայքարում եմ միասնականության համար, եթե միասնական չեղանք, ոչինչ էլ չի ստացվի»,- եզրափակեց նա։
Հարցազրույցն ամբողջությամբ՝ տեսանյութում։