Խոսելով լայնածավալ պատերազմի վերսկսման հնարավորության մասին ԱՄՆ հետախուզության ծառայության վերջին զեկույցից, այսօր լրագրողների հետ զրույցում Արցախի ԱԺ նախագահ Աշոտ Ղուլյանն ասաց, որ բազմիցս նման զգուշացումներ եղել են:
«Սա ցույց է տալիս տարածաշրջանում պայթյունավտանգ իրավիճակը, բայց չեմ կարծում, թե Ադրբեջանը պատրաստ է նման գործողությունների: Դրա համար կողքից օգնող գործոններ պետք է լինեն: Մենք պետք է աշխատենք այդ բոլոր սպառնալիքները չեզոքացնելու համար»,- նշեց Աշոտ Ղուլյանը: