Սիրիան և Թուրքիան հայտնվել են զինված հակամարտության շեմին։ Ի պատասխան քրդերի դեմ պայքարի համար սիրիական Աֆրին նահանգ թուրք զինվորականների ներխուժման՝ սիրիական կառավարական ուժերն այնտեղ են ուղարկել իրենց զորքերը՝ տարածքի պաշտպանության համար։
Անկարան մտադիր չէ նահանջել և արդեն սպառնում է Դամասկոսին պատերազմով։ Թուրքերն արդեն գնդակոծում են սիրիական զորքերը։
Տևական ժամանակ Աֆրինը գտնվել է ժողովրդական ինքապաշտպանության քրդական ջոկատների վերահսկողության տակ։ Թուրքիան նրանց անվանում է ահաբեկիչներ, մեկ ամիս առաջ նրանց դեմ սկսել է «Ձիթենու ճյուղ» գործողությունը։ Կրելով շոշափելի կորուստներ՝ քրդերն օգնության խնդրանքով դիմել են Դամասկոսին։
«Ստացվել է ոչ միանշանակ իրավիճակ։ Սիրիայի նախագահ Բաշար Ասադը կանգնել է քրդերի կողքին, որոնց աջակցում է ԱՄՆ-ը՝ Ասադի հակառակորդը»,-Vesti-ի հետ զրույցում ասել է մերձավորարևելյան հարցերով փորձագետ Դանիիլ Վիշնևսկին,- «ՆԱՏՕ-ի կազմի մեջ մտնող Թուրքիան քրդերի պատճառով հայտվել է ամերիկացիների հետ կոնֆլիկտի մեջ։ Դեռևս հայտնի չէ, թե կոնֆլիկտում ում կողքին կկանգնի Ռուսաստանը, որն աջացում է Ասադին և նոր է հարաբերություններ հաստատել Թուրքիայի նախագահ Էրդողանի հետ՝ Սիրիայում ինքնաթիռի խոցման պատճառով վեճից հետո։ Սիրիայի և Թուրքիայի զինված ընդհարումը կարող է վերածվել Արևմուտքի և Ռուսաստանի մասնակցությամբ մեծ պատերազմի»։
Ինչպես հայտնի է, թուրքական զորքերի գործողությունը Սիրիայի հյուսիսում առաջացրել է Վաշինգտոնի բացասական արձագանքը, որն աջակցում է սիրիացի քրդերին։ Քրդերն իրենց հերթին մեղադրում են ԱՄՆ-ին նրանում, որ երկիրը տեղի է տվել Անկարայի ճնշմանն ու թողել իրենց։
