«Դրանք հստակ մեսիջներ են Թուրքիային, որ մենք ստորագրել ենք ցյուրիխյան արձանագրությունները՝ համապատասխան տեսքով և տեքստով, և պետք է վավերացնենք այն տեքստով և այն տեսքով, որոնք ընդունվել են Ցյուրիխում և ստորագրվել են: Եվ եթե Թուրքիան ցանկանում է նոր պայմաններ ի հայտ բերել, նոր պայմաններով քննարկել կամ վավերացնել, կամ չվավերացնել, մենք պատրաստ չենք դրան, որովհետև մենք քննարկել և ստորագրել ենք հայ-թուրքական արձանագրությունները այդ պայմաններով: Եվ եթե իրենք ուզում են որևէ նոր էջից սկսել, մենք չենք կարող դա վավերացնել, քանի դեռ Թուրքիան չի վավերացրել»,- «Առաջին լրատվական»-ի հետ զրույցում ասաց ՀՀԿ խոսնակ, ԱԺ փոխնախագահ Էդուարդ Շարմազանովը՝ անդրադառնալով Մյունխենում Սերժ Սարգսյանի՝ հայ-թուրքական արձանագրությունների հետ կապված գնահատականներին:
Ի տարբերություն Թուրքիայի և Ադրբեջանի նախագահների՝ Հայաստանի նախագահը, Էդուարդ Շարմազանովի խոսքերով՝ հանդես է գալիս որպես տարածաշրջանային կայունության ջատագով. «Մենք չենք փակել հայ-թուրքական սահմանը, մենք չենք պրոբլեմ Հայաստան-Թուրքիա հարաբերություններում, մենք չենք նախապայմաններով խոսում: Մենք շատ լավ գիտակցում ենք, որ Թուրքիան և Հայաստանը տարածաշրջանային երկրներ են և անվերջ չեն կարող լինել առանց դիվանագիտական հարաբերությունների: Բայց այդ ամենը անել ի հաշիվ մեր ազգային արժանապատվության, մեր պետական շահերի, ՀՀ-ն պատրաստ չէ»,- հավելեց նա:
Ամբողջությամբ ՝տեսանյութում: