Ամերիկյան Pheramor ստատափը գործարկում է բջջային հավելված՝ ԴՆԹ տվյալների հիման վրա իդեալական զուգընկերոջ որոնման համար։ Նախնական շրջանում ծրագիրը հասանելի կլինի միայն Հյուսթոնի բնակիչների համար, սակայն ժամանակի ընթացքում այն կհայտնվի նաև ԱՄՆ-ի այլ քաղաքներում։
Իդեալական զուգընկերոջ ընտրության գործում վճռորոշ դեր է խաղում գենետիկական նյութի առավելագույն տարբերությունը։
16 դոլարով ընկերությունն օգտատիրոջը կուղարկի տանը գենետիկ նյութի վերցման համար անհրաժեշտ պարագաները։ Թեստի միջոցով Pheramor-ը կվերլուծի 11 գեները՝ կապված իմունային համակարգի աշխատանքի հետ։ Այդ տվյալների հիման վրա հավելվածը կորոշի համատեղելիության գործոնը։ Վճռորոշ դեր կխաղա ոչ թե նմանությունը, այլ տարբերությունը։ Այդպիսի միությունը կտա առավել առողջ սերունդ։
Pheramor-ը վերլուծում է սոցցանցերի տվյալներն ու զուգընկերներ ընտրում համանման հետաքրքրություններով։
