2016 թվականին կիբերհարձակումներն ամերիկյան տնտեսությանը պատճառել են 57-109 մլրդ դոլարի վնաս։ Այս մասին ասվում է ամերիկյան կառավարության զեկույցում՝ հիմնված հատուկծառայությունների տվյալների վրա։
Կիբերհարձակումների պլանում առավել մեծ ակտիվություն են դրսևորել Ռուսաստանը, Հյուսիսային Կորեան, Չինաստանն ու Իրանը, հաստատում են Սպիտակ տանը։
«Կարևոր ենթակառուցվածքային ոլորտներին ուղղված կիբերհարձակումները կարող են շատ մեծ վնաս հասցնել ԱՄՆ-ի տնտեսությանը»,-ասվում է զեկույցում։
Սպիտակ տանը նշել են, որ կիբերհարձակումները կազմակերպում են ոչ միայն այլ երկրների կառավարությունները, այլև կորպորատիվ մրցակիցները, ակտիվիստները և հանցավոր խմբավորումները։ Փետրվարի 16-ին ԱՄՆ-ը մեղադրել էր Ռուսաստանին NotPetya վիրուսով կիբերհարձակման մեջ, որը տեղի էր ունեցել 2017 թվականի հունիսին։ Վաշինգտոնում հարձակումը բնութագրել են որպես «պատմության մեջ ամենակործանարարն ու թանկարժեքը»։