Ամերիկացի գիտնականները Կանզասի համալսարանից պարզել են, որ չնայած տարածված կարծիքին՝ սոցցանցերը չեն ազդում մարդկանց սովորական շփման վրա և մարդուն չեն հեռացնում ընկերներից և ընտանիքից: Հետազոտության արդյունքները հրապարակվել են Information, Communication & Society գիտական ամսագրում:
Գիտնականները երկու փորձ են կատարել: Նախ նրանք վերլուծել են 2009 և 2011 թթ. երիտասարդության վարքի մասին տվյալները: Պարզվել է, որ սոցցանցերի զարգացումը, որը տեղի է ունեցել երկու չափումների միջև, ոչ մի կերպ չի ազդել ժամանակի քանակի վրա, որ երիտասարդները ծախսել են կենդանի շփման համար:
Երկրորդ փորձը կատարվել է 2015 թ.: Ընտրվել է 116 մարդ, խմբի կեսն ուսանողներ են եղել, կեսը՝ արդեն համալսարանն ավարտածներ: Նրանց մշտապես հարցրել են առօրյա շփման և սոցցանցերի օգտագործման մասին: Պարզվել է՝ նամակագրությունը սոցցանցերում ոչ մի կերպ չի ազդել մարդկանց շփումների, ընկերների և մտերիմների հետ նրանց շփման վրա: