Լուրեր
Մեղադրողը Ժիրայր Սեֆիլյանի համար պահանջեց 11, Գևորգ Սաֆարյանի համար՝ 4,5 տարվա ազատազրկում
  • 13:16
  • 2018-02-09
  • Դիտումներ՝ *

Ժիրայր Սեֆիլյանի և մյուսների գործով դատական նիստին այսօր` փետրվարի 9-ին, Երևան քաղաքի ընդհանուր իրավասության դատարանի Շենգավիթ վարչական շրջանի նստավայրում մեղադրողը հանդես եկավ մեղադրական ճառով: Մեղադրական ճառի հրապարակման ժամանակ ամբաստանյալներից Գևորգ Սաֆարյանը ներկա չէր, նրա նկատմամբ անցած դատական նիստին դատական սանկցիա էր կիրառվել և նա հեռացվել էր դատական նիստերի դահլիճից: Ամբաստանյալներից Ժիրայր Սեֆիլյանը հայտարարեց, որ, եթե Գևորգ Սաֆարյանին նիստերի դահլիճ չբերեն, ապա կլքի նիստերի դահլիճը, որից հետո լքեց նիստերի դահլիճը:

Մեղադրողը  Ժիրայր Սեֆիլյանի և մյուսներին առաջադրված մեղադրանքը համարեց ապացուցված և փաստարկված: Ըստ այդմ, մեղադրողը Ժիրայր Սեֆիլյանի համար պահանջեց 11 տարվա ազատազրկում, Գևորգ Սաֆարյանի համար 4 տարի 6 ամիս, Ներսես Պողոսյանի համար` 4 տարի, Գալուստ Գրիգորյանի համար 3 տարի, Հրայր Թոփչյանի համար 3 տարի, Սասունիկ Կիրակոսյանի համար պահանջեց 4 տարի 6 ամիս, Հովհաննես Պետրոսյանի համար 2 տարվա ազատազրկում:

  • Դիտումներ՝ *