Լուրեր
Նախագահին զրկել եք ներելու իրավունքից. Ո՞րն է լինելու ՍԴ-ում վեճի առարկան. Արտակ Զեյնալյանը՝ փոխնախարարին
  • 11:19
  • 2018-02-08
  • Դիտումներ՝ *

ԱԺ-ում այսօր՝ փետրվարի 8-ին, հրավիրվել է արտահերթ նիստ, և քննարկվում է Ներման մասին օրենքում փոփոխությունների վերաբերյալ օրինագիծը:

«Ելք» խմբակցության պատգամավոր Արտակ Զեյնալյանը տարակուսում է՝ ինչո՞ւ ենք ասում, թե աշխարհում այսպես է, մենք էլ ենք այսպես անում. «Մենք ինքներս տրամաբանություն, արժեամակարգ չունե՞նք»:

Նրա խոսքով՝ ներումը պատժից ազատելու մարդասիրական ձև է, ոչ թե խրախուսական. «Դուք գրել եք, թե սա խրախուսական է, և ամբողջը կառուցել եք դրա վրա՝ մարդուն զրկել եք ներվելու իրավունքից, զրկել եք նախագահին առանց խնդրելու ներելու իրավունքից, զրկել եք մարդուն միջնորդելու, որ ինչ-որ մեկին ներեն: Սրանք քրիստոնեական արժեքներ են, որոնք մերժվում են»:

Նրան հետաքրքրում  է՝ ՍԴ-ում բողոքարկելու դեպքում որն է լինելու վեճի առարկան: «Սահմանադրությունը, ըստ Ձեզ, արգելո՞ւմ է մարդուն առանց ներում խնդրելու ներվել: Ո՛չ: Սահմանադրությունը տալիս է իրավունք, բայց դա չի սահմանափակում: Սա բնական իրավունք է, մի հակադրեք Սահմանադրությունը բնական իրավունքներին»:

Մանրամասները՝ տեսանյութում:

  • Դիտումներ՝ *