Amazon-ը պատրաստվում է հետևել իր աշխատողներին թևնոցների օգնությամբ։ Եթե նոր՝ ուլտրաձայնային թևնոցները ներդրվեն արտադրությունում, Amazon-ի պահեստների աշխատողները բառացիորեն չեն կարողանա քիթ սրբել առանց ղեկավարության գիտության։
Amazon-նն արտոնագրել է թևնոցի դիզայն, որը կհետևի աշխատակիցների ձեռքերի դիրքին, երբ նրանք պահեստում փնտրեն այս կամ այն ապրանքը։ Եթե աշխատողը պահանջված ապրանքը փնտրի սխալ դարակում, թևնոցն ազդանշան կտա, որպեսզի որոնման վրա ավելորդ ժամանակ չծախսվի։
Բանն այն է, որ որոնման արագությունն Amazon-ի աշխատանքի առանցքային պահերից մեկն է։ Amazon-ը հայտնի է ցածր աշխատավարձերով և աշխատողներին «կենդանի ռոբոտների» վերածելու ձգտմամբ։
Աշխատուժի հարցում արված խնայողությունների շնորհիվ՝ Ջեֆ Բեզոսը դարձել է ողջ պատմության մեջ ամենահարուստ մարդը։ Հունվարի առաջին շաբաթը ձեռնարկատիրոջ կարողությունը հասել է 105,1 մլրդ դոլարի։