Ռուսաստան-Թուրքիա-Իրան ձևաչափով Սիրիայի հարցով հանդիպումը տեղի կունենա այս շաբաթ, Սոչիում։ Թուրքական կողմը կներկայացվի փոխարտգործնախարարի մակարդակով, հայտնել է Մոսկվայում Թուրքիայի դեսպանատան մամլո ծառայությունը։
«Թուրքիայի փոխարտգործնախարարը հունվարի 19-20-ը Սոչիում կմասնակցի Սիրիայի հարցով հանդիպմանը»,-ասվում է հաղորդագրությունում։
Ավելի վաղ հայտնի էր դարձել, որ Թուրքիան ու Ռուսաստանը քննարկել են նաև Սիրիայի ազգային երկխոսության կոնգրեսի նախապատրաստությունը։ Չորեքաբթի կայացել էր երկու երկրների արտգործնախարարներ Սերգեյ Լավրովի և Մևլյութ Չավուշօղլուի հեռախոսազրույցը։
Ավելի վաղ սպասվում էր, որ կոնգրեսը կանցկացվի Սոչիում հունվարի 29-30-ը,սակայն իրավիճակին ծանոթ աղբյուրները հայտնել են, որ կոնգրեսը կլինի մեկօրյա և կկայանա հունվարի 30-ին։