Այսօր ԱԺ Պետաիրավական հարցերի հանձնաժողովի նիստում քննարկվեց կառավարության ներկայացրած «Քրեական դատավարության օրենսգրքում» փոփոխությունների նախագիծը, որը վերաբերում է ձերբակալման որոշման բողոքարկմանը: Ըստ նախագծի, անձին ձերբակալելիս պետք է ներկայացվեն պատճառները:
Լրագրողների հետ զրույցում ԱԺ ՀՀԿ խմբակցության պատգամավոր Գևորգ Կոստանյանը բացատրեց. «Ես պիտի ունենամ այդ բացատրությունները իմ ձեռքի տակ, որ կարողանամ վիճարկել: Նախագծում չկա դա: Ըստ կառավարության, երբ անձը բողոքարկում է ձերբակալման որոշումը, քննիչը թող գնա հիմնավորի, բայց դա նշանակում է, որ բողոքը հիմնավոր չի, որովհետեւ ես հիմք չունեմ, ուղղակի ասում եմ՝ ես անմեղ եմ: Յուրաքանչյուր դեպքում, երբ անձը ձերբակալվում է, պետք է ե՛ւ ծանուցվեն պատճառների մասին, ե՛ւ դրա հիմքերը տան: Լավ է, որ ընդունեցին: Իմ առաջարկությունը դա էր՝ հիմքերը պիտի տաս մարդուն, որ իմանա՝ ինչի հիման վրա ես նրան ձերբակալել, որ կարողանա դա վիճարկել: Հիմքը կարող է լինել բացատրությունները»:
Կոստանյանը լրագրողերի հետ զրույցում անդրադարձավ նաև Ճվճվ Արոյի որդու վթարին, որը հանգեցրեց պետավտոտեսուչների մահվան: