Թուրքիան հանդես է գալիս ի օգուտ Սիրիայում՝ առանց Բաշար Ասադի մասնակցության ընտրություններ անցկացնելու։ Այս մասին ուրբաթ օրը հայտարարել է Թուրքիայի նախագահ Ռեջեփ Տայիպ Էրդողանը՝ Փարիզում, նախագահ Էմանուել Մաքրոնի հետ բանակցություններից հետո, մամուլի ասուլիսի ժամանակ։
«Մեր նպատակն Ասադի սիրիական ճգնաժամի լուծումը չէ։ Մեր նպատակը առանց Ասադի մասնակցության և սիրիացի ժողովրդի դեմոկրատական կամքին համապատասխան ընտրություններ անցկացնելն է։ Մենք կաջակցենք դրան»,– ասել է Էրդողանը։
2017 թվականին, Թունիս կատարած այցի ժամանակ, Էրդողանը Ասադին ահաբեկիչ էր անվանել և հայտարարել էր, որ հնարավոր չէ համագործակցել մի մարդու հետ, ով իր միլիոնավոր քաղաքացիների է սպանել։
Սիրիայում կրակի դադարեցման ռեժիմի երաշխավոր երկրները՝ Ռուսաստանը, Իրանը և Թուրքիան դեկտեմբերի 22-ին, Աստանայում կայացած միջազգային հանդիպման արդյունքներով, պայմանավորվել են 2018 թվականի հունվարի 29-30-ը, Սոչիում սիրիական ազգային երկխոսության Կոնգրես անցկացնել։ Ենթադրվում է, որ ֆորումի ժամանակ կխոսվի նոր սիրիական սահմանադրության մշակման և դրա հիման վրա, ՆԱՏՕ–ի հովանու տակ ընտրությունների անցկացման մասին։ Մինչ այդ՝ հունվարի 19-20-ին, Ռուսաստանը, Իրանն ու Թուրքիան նախապատրաստական հանդիպում կանցկացնեն Սոչիում։ Ինչպես ավելի վաղ հայտարարել է ՌԴ ԱԳ նախարար Լավրովը՝ կոնգրեսի մասնակիցների թիվը մոտ 1,7 հազար է լինելու։