The Daily Mail-ը ներկայացրել է ձմեռային հանգստի համար ամենազարմանահրաշ հյուրանոցները, որոնցում «հեքիաթը վերածվում է իրականության»։ Դրանց մի մասում կարելի է ականատես լինել բնության ամենազարմանահրաշ երևույթներից մեկին՝ հյուսիսափայլին։
Ավստրիական Alpeniglu ավանում գտնվող հյուրանոցն ամբողջովին պատրաստվել է սառույցից ու ձնից։ Հյուրանոցային համալիրն ունի նաև սառցե եկեղեցի ու ցուցասրահ, որում ներկայացված են ֆանտաստիկ սառցե քանդակներ։
Հրաշալի սառցե հյուրանոցը գտնվում է Ֆինլանդիայի Kakslauttanen արկտիկյան հանգստավայրում։ Թափանցիկ առաստաղը հյուրերին հնարավորություն է տալիս ներսում լինելով՝ հիանալ հյուսիսափայլով։
Ոչ պակաս գեղեցկությամբ է աչքի ընկնում նաև Շվեյցարիայում գտնվող Iglu-Dorf ձմեռային հագստավայրը։ Ամեն տարի հյուրանոցային այդ համալիրը վերստեղծվում է 3000 տոննա ձնից։ Համալիրը գտնվում է Ալպյան գոտում և շրջապատված է լեռնագագաթներով։
Լավագույն սառցե հյուրանոցների թվում ընդգրկվել են նաև Jukkasjäroi-ն (Շվեյցարիա), Hotel de Glace-ը (Քվեբեկ, Կանադա), Sorrisniva Igloo-ն (Ալտա, Նորվեգիա) և Kirkenes Snow Hotel-ը (Նորվեգիա)։