ՀՀ ոստիկանությունը ներկայացրել է ճանապարհատրանսպորտային պատահարների դեկտեմբերի 26-ի ամփոփագիրը։
ՀՀ ոստիկանության պաշտոնական կայքից տեղեկացնում է, որ «դեկտեմբերի 26-ին, ժամը 00.10-ին, Երևանի Եղբայրության և Մանթաշյան փողոցների խաչմերուկում իրար են բախվել «Միցուբիշի» և «Հունդայի» մակնիշի ավտոմեքենաներ:
Պատահարի հետևանքով «Միցուբիշի»-ի վարորդը, ուղևորը և «Հունդայի»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
Դեկտեմբերի 26-ին, ժամը 7.20-ին, «Նիսան» մակնիշի ավտոմեքենայի վարորդը Երևանի Բագրատունյաց փողոցի թիվ 44 հասցեի մոտ վրաերթի է ենթարկել 42-ամյա տղամարդու, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:
Դեկտեմբերի 26-ին, ժամը 19.00-ին, «Օպել» մակնիշի ավտոմեքենայի վարորդը Երևանի Րաֆֆու և Ջիվանու փողոցների խաչմերուկում վրաերթի է ենթարկել 66-ամյա տղամարդու, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:
Դեկտեմբերի 26-ին, ժամը 19.45-ին, 29-ամյա մի կին ոստիկանությունում հաղորդում է տվել, որ դեկտեմբերի 25-ին, ժամը 12.50-ին, անհայտ վարորդի ավտոմեքենան Երևանի Խուդյակովի փողոցի թիվ 165/4 հասցեի մոտ դիպել է իր 10-ամյա դստերը, որին պատճառվել է ֆիզիկական ցավ:
Կատարվում է քննություն:
Դեկտեմբերի 26-ին, ժամը 21.30-ին, «Օպել» մակնիշի ավտոմեքենայի վարորդը Երևանի Թբիլիսյան խճուղու թիվ 126 հասցեի մոտ վրաերթի է ենթարկել 86-ամյա տղամարդու, որը մարմնական վնասվածքներով բուժօգնության է տեղափոխվել հիվանդանոց:
Կատարվում է քննություն:
Դեկտեմբերի 26-ին, ժամը 12.30-ի սահմաններում, Բերքանուշ-Դալար ճանապարհի 1-ին կմ-ին իրար են բախվել «ԳԱԶ 3102», «Մերսեդես» և «ՎԱԶ-21113» մակնիշի ավտոմեքենաներ:
«ՎԱԶ-21113»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
Դեկտեմբերի 26-ին, ժամը 21.00-ի սահմաններում, «Նիսան Տիանա» մակնիշի ավտոմեքենան Արարատի մարզի Մարմարաշեն գյուղի Արտաշատյան խճուղում՝ դպրոցի մոտ, դուրս է եկել երթևեկելի գոտուց ձախ և բախվել քարերի:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Դեկտեմբերի 26-ին, ժամը 23.40-ի սահմաններում, «Մերսեդես Բենց E 240» մակնիշի ավտոմեքենան Երևան-Երասխ ճանապարհի 11-րդ կմ-ին դուրս է եկել երթևեկելի գոտուց աջ և բախվել ճամփեզրի ծառերին:
Վարորդը և 2 ուղևոր մարմնական վնասվածքներով տեղափոխվել է հիվանդանոց:
Կատարվում է քննություն:
Դեկտեմբերի 27-ին, ժամը 00.30-ին, «ՎԱԶ-21065» մակնիշի Արմավիրի մարզի Գետաշեն գյուղի գլխավոր ճանապարհից դուրս է եկել երթևեկելի գոտուց և ենթարկվել ինքնավթարի. վարորդը մարմնական վնասվածքով դիմել է հիվանդանոց:
Կատարվում է քննություն:
Դեկտեմբերի 26-ին, ժամը 12.00-ի սահմաններում, Ստեփանավանի Սուրբ Նշան և Մխիթար Սպարապետի փողոցների խաչմերուկում իրար են բախվել «Մերսեդես Բենց» և «ՎԱԶ-2106» մակնիշի ավտոմեքենաներ:
«Մերսեդես Բենց»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:
Դեկտեմբերի 26-ին, ժամը 12.00-ի սահմաններում, «ՈՒԱԶ-315148» մակնիշի ավտոմեքենան Սյունիքի մարզի Շինուհայր-Գորիս ճանապարհի 3-րդ կմ-ին վազանց է կատարել դիմացից համընթաց երթևեկող «ԳԱԶ-24» մակնիշի ավտոմեքենային, դուրս եկել հանդիպակաց երթևեկելի գոտի, կորցրել ղեկային կառավարումը և շրջվել ճանապարհի ձախ մասում:
«ՈՒԱԶ-315148»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն»:
