Բրիտանացի բժիշկներն առաջին անգամ փրկել են արտաքին սրտով լույս աշխարհ եկած նորածնին։ Բժիշկների խոսքով՝ փոքրիկի ողջ մնալու դեպքը եզակի է, քանի որ սովորաբար նման արատով երեխաները մինչ ծննդաբերությունը մահանում են։
Մայրը՝ Նաոմի Ֆինդլին հղիության դեռևս 10-րդ շաբաթում իմացել է, որ երեխայի մոտ առկա է հիվանդություն։ Բժիշկները նախազգուշացրել էին նրան, որ պտղի մոտ առկա է սրտի էկտոպիա, ստամկանը հայտնվել է կրծքավանդակից դուրս, և որ նրա ապրելու հավանականությունը զրոյական է։ Բժիշկները կնոջը խորհուրդ էին տվել ընդհատել հղիությունը։
«Երբ ծննդաբերեցի, և նա սկսեց ճչալ, ես ամուսնուս հետ արտասվեցի երջանկությունից։ Մենք հավատում էինք, որ նա կապրի»,-ասել է Նաոմին։
Գլենֆիլդի հիվանդանոցի մասնագետները 3 վիրահատություն են կատարել՝ 3 շաբաթական աղջկա սիրտը տեղը վերադարձնելու և նրա կյանքը փրկելու համար։
Արտաքին սրտով երեխաների ծնունդները խիստ հազվադեպ են։ Դա կարող է տեղի ունենալ միլիոնից մեկի մոտ։
