ԱՄՆ Հետաքննությունների դաշնային բյուրոյի երկու աշխատակիցներ, ովքեր աշխատել են «ռուսական գործը» հետաքննող հատուկ դատախազ Ռոբերտ Մյուլերի թիմում, միմյանց հետ նամակագրությունում Դոնալդ Թրամփին անվանել են «բթամիտ»։ Այս մասին հայտնում է Politico թերթը՝ հղում անելով Կոնգրեսին փոխանցված փաստաթղթերին։
Խոսքը ՀԴԲ-ի նախկին հակահետախույզ Փիթեր Ստրժոկի և նրա գործընկերոջ՝ Լիզա Փեյջի մասին է։ Նամակագրությունն իրականացվել է մինչ Թրամփի՝ պետության ղեկավար ընտրվելը, սակայն չնայած դրան, երկու աշխատակիցները հեռացվել են։
Ավելի վաղ տեղի ԶԼՄ-ները հաստատել էին, որ այդ երկու աշխատակիցների միջև սիրավեպ է սկսվել, սակայն այդ հանգամանքը չի ազդել Ստրժոկի կարիերայի վրա։
2016 թվականի ամերիկյան ընտրություններում Ռուսաստանի միջատության գործով հետաքննությունն անցկացնում են ՀԴԲ-ն, ինչպես նաև Սենատի և Ներկայացուցցիչների պալատի հետախուզական հատուկ կոմիտեները։ Մոսկվան բազմիցս հերքել է նախագահական արշավի ելքի վրա ազդելու փորձերը։