Իսպանիայում կազմակերպված հանցավոր խմբավորման դեմ պայքարին ուղղված գործողության արդյունքում ձերբակալվել է 23 մարդ։ Այս մասին հայտնում է RIA Novosti-ն՝ հղում անելով ոստիկանության հաղորդագրությանը։
Գործողությունն անցկացվել է Իսպանիայի ազգային ոստիկանության կողմից՝ կատալոնական Mossos d’Esquadra իրավապահ մարմինների հետ համատեղ։ Խուզարկություններն անցկացվել են Բարսելոնում, Մադրիդում և մի շարք կատալոնական քաղաքներում։ Ձերբակալվածները կասկածվում են բնակարանային գողությունների, ինչպես նաև փողերի լվացման մեջ։ Նշվում է, որ խմբավորման անդամների մեծ մասը Վրաստանից են։
Իրավապահները բանդայի հետքի վրա էին դուրս եկել 2016 թվականին, երբ Տարասում երկու վրացու սպանություն էր տեղի ունեցել։ «Վրացական մաֆիային» մասնակցություն ունենալու համար ընդհանուր առմամբ կասկածի տակ է գտնվում ավելի քան 60 մարդ, մոտ 40-ը ձերբակալվել են։
