ԱՄՆ-ում 96 տարեկանում կյանքից հեռացել է ջազային ստեղծագործությունների հայտնի կատարող և հեղինակ Ջոն Հենդրիքսը։
Ինչպես հայտնում է New York Times-ը, երաժիշտը վերջին օրերն անցկացրել է Մանհեթենի հիվանդանոցում։ Երաժիշտի մահվան մասին տեղեկությունը հաստատել է նրա դուստրը՝ Արիա Հենդրիքսը։
Ջոն Հենդրիքսը մեծ ճանաչում է ձեռք բերել 1950-ականներին՝ շնորհիվ Lambert, Hendricks & Ross տրիոյի կազմում ելույթների։ 70-ականներին կատարողը հիմնել է Hendricks Family խումբը, որում նրա հետ հանդես են եկել նաև կինն ու դուստրը։
