Համացանցում հայտնվել է տեսանյութ՝ երկու առաջադեմ սմարթֆոնների՝ ամերիկյան iPhone X-ի և չինական OnePlus 5T-ի փորձարկմամբ։ Փորձարկումների արդյունքում iPhone X –ն արտադրողականությամբ զիջել է մրցակցին։
Հոլովակը հրապարակվել է YouTube վիդեոհոսթինգի EverythingApplePro ալիքում և հասցրել 2 օրում հավաքել մոտ 600 հազար դիտում։
Տեսանյութում երևում է, թե ինչպես է OnePlus 5T-ի հավելվածների մեծ մասն ավելի արագ գործարկվում, քան iPhone X-ի պարագայում։ Փորձագետների կարծիքով՝ համեմատաբար դանդաղ աշխատանքի պատճառ են հանդիսանում օպերատիվ հիշողության գործածմանն առնչվող խնդիրները։