Իրանը պատրաստ է օգնություն ցուցաբերել մերձավորարևելյան տարածաշրջանի մյուս երկրներին ահաբեկչության դեմ պայքարում, հայտարարել է Իրանի նախագահ Հասան Ռուհանին։
Նրա խոսքով՝ Թեհրանն առաջինն է պատասխանել Դամասկոսի իշխանությունների կոչին՝ օգնելու իրենց ահաբեկչության դեմ պայքարում։
«Միջազգային ահաբեկչության դեմ պայքարում մենք շատ լրջորեն ենք տրամադրված և պատրաստ ենք տարածաշրջանի այլ երկրների խնդրանքով ցուցաբերել նման օգնություն»,-ասել է իրանցի առաջնորդը Սոչիում ռուս և թուրք գործընկերներ Վլադիմիր Պուտինի և Ռեջեփ Թայիփ Էրդողանի հետ հանդիպման մեկնարկին։
Նա ընդգծել է, որ Իրանի բոլոր ջանքերը հիմնված են միջազգային իրավունքի սկզբունքների և նորմերի վրա և ուղղված են տարածաշրջանում կայունության աջակցմանը։ «Մեր ռազմավարությունը հիմնված է համագործակցության, այլ ոչ թե մրցակցության վրա»,-պարզաբանել է Ռուհանին։
