Լուրեր
Բա Ներդրողների ակումբի մյուս անդամներն ո՞ւր են․ եթե ամեն ինչ լավ է՝ ինչո՞ւ վարչապետը չկար
  • 19:15
  • 2017-11-14
  • Դիտումներ՝ *

Հայաստանի Դեմոկրատական կուսակցության նախագահ Արամ Սարգսյանի կարծիքով՝ իշխանությունը ներսում ստեղծել է շփոթ իրավիճակ, ինչը նրա կարծիքով՝ վտանգավոր է երկրի համար. «Իշխանության տիրելու համար մրցակցություն է սկսել, բայց դա լավ կլիներ՝ եթե ընտրություններ լինեին, եթե քաղաքական ուժերն իրար հետ մրցեին»,- «Առաջին լրատվական»-ի հետ զրույցում ասաց Սարգսյանը։

Մեր զրուցակիցն անդրադարձավ օրերս «Տաշիր» ընկերության և Ներդրողների ակումբի՝ մեկ միլիարդ դոլարի ներդրում անելու հայտարարությանը. «Ժողովրդին անհրաժեշտ չեն մոլերում բացված աշխատատեղերը։ Մենք որակազրկում ենք ժողովրդին, իջեցնում կրթության մակարդակը։ Համալսարանում կրթություն են ստանում՝ գնում մոլում աշխատում։ Այդ քաղաքական մրցակցությունն ինչի՞ է բերելու, որևէ մեկը զիջել չի ցանկանալու։ Այս մեկ միլիարդի պատմությունը նման է՝ վաղը կգամ, իմ տղամարդու խոսքը կասեմ։ Տեսանք, որ մեկ անձը ունի հնարավորություն, բա ակումբի մյուս անդամներն ի՞նչ եղան։ Թե որ նրանք Հայաստանում խոշոր սեփականություն չունեն, հետաքրքրություն չունեն՝ այստեղ մեծ ներդրում անեն։ Եթե ամեն ինչ լավ է՝ թող բոլորը միասին՝ վարչապետն էլ, քաղաքական էլիտան էլ, ընդդիմությունն էլ, բոլորը գնային ու ուրախանային այդ հաջողությամբ։ Ավելի շատ քաղաքական խաղեր են, քան երկրին ռեալ օգուտ տվող գործողություններ»,- ընդգծեց Սարգսյանը։

Գուցե որևէ մեկի PR-ի համա՞ր է, հարցին ի պատասխան, մեր զրուցակիցն արձագանքեց. «Դա էլ կա, որովհետև եթե դու գործը մեկի հետ ես սկսում, հետո փորձում ես տեղափոխել այլ ոլորտ, ուրիշի մոտ՝ դա արդեն վկայում է, որ ինչ-որ բան այն չէ»։

Հարցազրույցն ամբողջությամբ՝ տեսանյութում։

  • Դիտումներ՝ *