Տեղի է ունեցել Ռուսաստանի ու Ադրբեջանի միջև սահմանային կամրջի կառուցման վերաբերյալ արձանագրության ստորագրման արարողությունը։ Ավտոմոբիլային կամուրջը պետք է անցնի Սամուր գետի վրայով։ Հայտնում է APA լրատվական գործակալությունը։
Արձանագրության վրա իրենց ստորագրություններն են դրել Ռուսաստանի տրանսպորտի նախարար Մաքսիմ Սոկոլովն ու Ադրբեջանի տրանսպորտի ու կապի նախարար Ռամին Գուլուզադեն։
Այսօր տեղի է ունենալու նաև կամրջի կառուցման հիմնարկեքի արարողությունը։ Նշվում է, որ Սամուր գետի վրայով ավտոմոբիլային նոր կամրջի կառուցման մասին միջկառավարական համաձայնագիրը ստորագրել են 2013 թվականի սեպտեմբերի 13-ին։
Նոր կամուրջը կփոխարինի հին կամրջին, որը կառուցվել է 1957 թվականին։ Կամրջի երկարությունը կազմում է 325,3 մետր, իսկ լայնությունը՝ 17,3 մետր։ Կամուրջն ունենալու է երեք շերտ։
